Skrifstofa ferðafélagsins er farin í jólafrí. Opnum aftur 2. janúar.

Við viljum minna á myndakvöld félagsins sem eru haldin annan þriðjudag í hverjum mánuði. Í kvöld sýnir Sigurjón Bjarnarson frá myndum úr sínu safni. 

Heitt á könnunni og allir velkomnir.

Hlökkum til að sjá ykkur 

Í síðustu viku birtist skemmtileg frétt um Perluverkefnið okkar á miðlinum Austurfrétt þar sem rætt var við Hjördísi Hilmarsdóttir. 

"Við vorum nokkur sem settust niður árið 2006 og ræddum hvað væri hægt að gera til að fá fjölskyldur saman út að ganga. Útkoman var "Perlur Fljótsdalshéraðs". Í upphafi völdum við tvo staði í hverjum hreppi, annan léttan og hinn lengri og/eða erfiðari. Við útbjuggum stimpilkort, settum stauka á þessa staði sem innihalda gestabók, stimpil fyrir gönguleikinn og upplýsingar um viðkomandi stað," segir Hjördís um tildrög gönguleikjanna".

"Íbúar hafa verið afar ánægðir með þetta framtak. Fólk segir mér að þetta virki hvetjandi og sumir eru að keppast við að fara allar Perlurnar."

Gönguleikir félagsins eru tveir, Perlur Fljótsdalshéraðs og Heiðarbýlin í göngufæri.  Árlega hefur verið skilað 50 - 75 kortum í báðum leikjum, oftast mun fleiri í Perluleiknum. 

"Ég veit að þessi verkefni hafa verið góð fyrir samfélagið. Fólk getur farið á eigin vegum að þessum stöðum þegar því hentar, en einnig til dæmis nýtt sér sunnudagsgöngur Ferðafélagsins, sem margar hverjar eru að Perlunum en félagið hefur staðið fyrir þeim alla sunnudaga síðastliðin fjórtán ár".

Hægt er að lesa umfjöllunina í heild sinni HÉR.

Kynningarfundir á starfi landvarðar síðastliðið sumar og á skýrslu um ástand gönguleiða á Víknaslóðum.

Í sumar fór af stað verkefni á Víknaslóðum við Borgarfjörð eystri að ráða landvörð til að starfa í eitt sumar og taka út allt göngusvæðið í heild. Verkefnið er áhugavert fyrir margar sakir. Gönguleiðir á Víknaslóðum liggja nánast eingöngu í gegnum einkalönd og afrétt og er þetta er í fyrsta sinn á Íslandi sem ráðinn er landvörður á svæði sem hvorki er friðlýst né hluti af þjóðgarði.