Skrifstofa ferðafélagsins er opin alla virka daga milli 9:00 og 12:30. Lokað er um helgar.

Ferðafélag Fljótsdalshéraðs var stofnað árið 1969 og er deild í Ferðafélagi Íslands. Félagið skipuleggur á hverju ári gönguferðir á mismunandi erfiðleikastigi og birtist áætlun yfir þær í ferðaáætlun Ferðafélags Íslands og hér á heimasíðunni. Eins stendur ferðafélagið fyrir gönguferðum annan hvern sunnudag allan ársins hring. 

Ferðafélag Fljótsdalshéraðs á og rekur sex gönguskála. Þrír þeirra eru á Víknaslóðum við Borgarfjörð eystri; Í Breiðuvík, Húsavík og Loðmundarfirði. Tveir eru við gönguleiðina á Lónsöræfum; Geldingafell og Egilssel við Kollumúlavatn og einnig á Ferðafélag Fljótsdalshéraðs ásamt Ferðafélagi Húsavíkur, Sigurðarskála í Kverkfjöllum. Ferðafélag Fljótsdalshéraðs er með ýmis önnur verkefni í gangi, til að mynda gönguleikina Perlur Fljótsdalshéraðs og Heiðarbýlin í göngufæri.